Ezagutu gure ikuskizunak!
Irrien Lagunak-en pertsonaiek bizia hartuko dute Euskal Herriko plazetan irri eta dantza egiteko prest! Euskara, kultura, baloreak, antzerkia, musika eta dantza uztartuko dituzten ikuskizun parte-hartzaileak ditugu martxan.
Irrien Lagunak 10 urte!
Sinopsia
Tiritatxo eta Martinber Tiritatxoren kontsultan sartuko dira. Bat-batean, Tiritatxoren mahai gainean gutun bat ikusiko dute. Norena ote da? Gutuna beraien lagun batek bidalia da eta zoriontzeko idatzi die, Irrien Lagunak-ek 10 urte bete dituelako!
“Hara! 10 urte! Zer egingo dugu? Jai bat? Nola? Denon artean antolatuko dugu!”
Tiritatxo eta Martinber gidari direla Irrien Lagunak pasako dira kontsultatik, bakoitzak jaialdirako bere proposamena eginez.
Abestiak, umorea eta parte hartzea ez dira faltako!
Iraupena: 55 minutu
Irrien taupadak
Sinopsia
Martinbertso beldurtuta joango da Tiritatxoren kontsultara osasun azterketa egitera. Tiritatxok proba eta jolas desberdinen bidez, Irrien Lagunen irri osasuna aztertuko du.
Osasun azterketa dibertigarri honetan parte hartu nahi al duzue? Dantzan, abesten eta irrifar osasuntsuak sortzen ongi pasako dugu! Zatozte!
Iraupena: 55 minutu
Irrien Lagunak. Bakarkako saioak
TIRITATXOrekin egin irri!
Sinopsia
Tiritatxo, pediatra goxoa eta alaia da. Beti dago laguntzeko prest. Irriarekin jolas egitea eta istorio dibertigarriak kontatzea maite du. Modu dibertigarri batean osasuna eta irria elkarrekin gozatzeko errezetak elkarbanatuko ditu.
Iraupena: 50 minutu
Sinopsia
Martinbertso herriz herri dabil kontu kontari. Bere kontuak kantu ere bihurtzen direlarik! Ikuskizun honetan antzerkia, jolasa eta musika uztartuta daude. Parte hartzailea bezain dibertigarria. Irriak ere ez dira faltako!
Iraupena: 50 minutu
MARTINBERTSOrekin kantu, kontu eta dantza!
